काठमाडौं, राष्ट्रिय प्रजातन्त्र पार्टीका सांसद ज्ञानेन्द्र शाहीले प्रधानमन्त्री बालेन्द्र शाहको मुस्ताङ भ्रमण नीजी भएको बताएका छन् ।प्रधानमन्त्री शाह आज मुक्तिनाथ दर्शनका लागि हिडेको समाचार आइरहेको बेला उनले सो भ्रमणलाई ब्यक्तिगत भनेर टिप्पणी गरेका हुन ।‘प्रधानमन्त्रीले मुस्ताङ जाँदा सुरक्षाकर्मी लिएर गएनन् भनेर सामाजिक सञ्जालमा खुब हल्ला चलिरहेको छ, प्रधानमन्त्री आफ्नो निजी भ्रमणमा मुस्ताङको खम्पा गुम्बा दर्शन गर्न जानुभएको हो,’ उनले भनेका छन्, ‘निजी भ्रमणमा पनि सुरक्षाकर्मीको लावालस्कर नै लिएर हिँड्नुपर्छ भन्ने छैन।’
बालेन्द्र शाह धादिङ स्थलमार्ग हुदैँ पोखरा जाने र त्यहाँवाट मुस्ताङ जाने कार्यक्रम रहेको जनाइएको छ । ‘कम्तीमा एकछिन त उहाँलाई आफ्नै निजी समय र व्यक्तिगत जीवनमा एक्लै हिँड्न दिनुहोस्। हरेक कुरालाई राजनीतिक विषय बनाएर हल्ला गर्न आवश्यक छैन,’ उनले भनेका छन् ।
